२७ असार, काठमाडौं । काठमाडौंको चन्दागिरी नगरपालिका १२ कञ्चनवस्तीस्थित मातातिर्थ स्प्रिङ मिनरल वाटरको कम्पनीमा सरकारी अनुगमन टोलीले शीलबन्दी गरेको छ ।
आपूर्ति व्यबस्थापन बिभाग नेतृत्वको अनुगमन टोलीले रोयल ब्राण्डको पानीमा शीलबन्दी गरेको हो ।
अनुगमन टोलीले ३ दिनभित्र बिभागमा स्पष्टिकरणसहित उपस्थित हुन पनि त्यस कम्पनीका पदाधिकारीलाई निर्देशन पनि दिएको छ ।
यसअघि सोही कम्पनीलाई गत जेठ १८ गते गुणस्तर बिभागले पानीको शुद्धीकरणको मापदण्ड पूरा गर्न निर्देशन दिइसकेको थियो । तर सोमबार अनुगमनका क्रममा उक्त निर्देशन पालना नभएको पाइएपछि त्यस कम्पनी शीलबन्दीमा परेको अनुगमन टोलीका संयोजक दीपकराज पौडेलले जानकारी दिए ।
अनुगमनका क्रममा वानीको शीलप्याकको मापदण्ड पूरा नभएको, पानी प्रशोधनको मापदण्ड पूरा नभएको, पानी प्रशोधन गर्ने स्थान नजिकै रहेको चर्पी अत्यन्त दुर्गन्धित रहेको पाइएको थियो ।
अनुगमन टोलीमा आपूर्ति व्यवस्थापन बिभागका अधिकृत पौडेल, आपूर्ति मन्त्रालयका कपिलप्रसाद रेग्मी, जिल्ला प्रशासन कार्यालयक काठमाडौंकी अधिकृत शीला सापकोटा, खानेपाली बोर्डका बोधराज दाहाल, खाद्य प्रविधि तथा गुण नियन्त्रण बिभागका कर्णबहादुर चन्द, दशरथकुमार बर्मा, प्रहरी र आपूर्तिमन्त्रीको स्वकीय सचिवालयको टोली छ ।
२०७३ असार २७ गते १४:३८ मा प्रकाशितsource:http://www.onlinekhabar.com/2016/07/451853/
No comments:
Post a Comment